ഇന്ത്യയിലെ അന്താരാഷ്ട്ര വിമാനത്താവളങ്ങൾ-ഭൂപടം

സിവിൽ ഏവിയേഷൻ വ്യവസായത്തിൽ പുതിയ സ്വകാര്യ ഓപ്പറേറ്റർമാരുടെ പങ്കാളിത്തം വർദ്ധിച്ചതോടുകൂടി ആകാശയാത്ര ഇന്ത്യയിലെ സാധാരണക്കാർക്കും പ്രാപ്യമായി. ഇത് രാജ്യത്തെ ടൂറിസം വ്യവസായത്തിനും, ഹോട്ടൽ, സാംസ്‌കാരിക പ്രവര്ത്തനങ്ങള് തുടങ്ങി അനുബന്ധ വ്യവസായങ്ങൾക്കും പുതിയ ഉണർവേകി. ഇന്ന് രാജ്യത്തെ ഓരോ സംസ്ഥാനത്തും നിരവധി വിമാനത്താവളങ്ങൾ ഉണ്ട്. അവയിലെല്ലാം നൂറുകണക്കിന് വിമാനങ്ങൾ സേവനം നൽകുന്നു.

അന്താരാഷ്ട്ര വ്യോമഗതാഗതം പ്രധാനമായും പ്രവാസ ജീവിതവുമായി ബന്ധപ്പെട്ടാണ് വളർന്നുവന്നത്. ഇന്ന് നിരവധി ആളുകൾ വിദേശങ്ങളിൽ ജോലിയെടുക്കുന്നു. അതുകൂടാതെ രാജ്യങ്ങൾ തമ്മിലുള്ള വ്യാപാര-വാണിജ്യ ബന്ധങ്ങൾ വികസിച്ചതും അന്താരാഷ്ട്ര വ്യോമഗതാഗതത്തിന് ആക്കം കൂട്ടുന്നു. മുൻകാലങ്ങളിലെ അപേക്ഷിച്ച് വളരെയധികം വിദ്യാർത്ഥികൾ വിദേശങ്ങളിൽ വിദ്യാഭ്യാസത്തിനു പോകുന്നു. കേരളത്തിൽ മാത്രം മൂന്ന് അന്താരാഷ്ട്ര വിമാനത്താവളങ്ങൾ ഉണ്ട്. നാലാമത്തേത് കണ്ണൂർ വിമാനത്താവളം സമീപകാലത്ത് തുറക്കുമെന്ന് പ്രതീക്ഷിക്കുന്നു. ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളവും മുംബൈ ഛത്രപതി ശിവാജി ഇന്റർനാഷണൽ എയർപോർട്ടും മാത്രം രാജ്യത്തെ അന്താരാഷ്ട്ര വ്യോമഗതാഗതത്തിന്റെ പകുതിയോളം കൈകാര്യം ചെയ്യുന്നു. പുതുതായി നിരവധി വിമാനത്താവളങ്ങൾ അന്താരാഷ്ട്ര നിലവാരത്തിലേക്ക് ഉയർത്തുവാനുള്ള നടപടികളിലാണ്.

അന്താരാഷ്ട്ര വിമാനത്താവളങ്ങളുടെ പട്ടിക