ഇന്ത്യയിലെ ജലവൈദ്യുത പദ്ധതികൾ

ഏറ്റവും ചെലവുകുറഞ്ഞതും പ്രദൂഷണ രഹിതവുമാണ് ജലവൈദ്യുതി. ജലശക്തി മുപയോഗിച്ച് ടർബൈൻ തിരിച്ചു ഉൽപ്പാദിപ്പിക്കുന്ന വൈദ്യുതിക്കാണ് ജലവൈദ്യുതി അഥവാ hydroelectricity എന്നു പറയുന്നത്. മുകളിൽനിന്നു തുടർച്ചയായി പതിക്കുന്ന ജലത്തിന്റെ ഭൂഗുരുത്വാകര്ഷണ ശക്തി ഉപയോഗിച്ച് ഉൽപ്പാദിപ്പിക്കുന്ന വിദ്യുത്ശക്തിയാണിത്. ഇങ്ങനെ ഊർജം ഉല്പാദിപ്പിക്കുന്ന പ്രക്രിയയിൽ മാലിന്യം പുറന്തള്ളാത്തതുകൊണ്ടും അത് തുടർച്ചയായി ലഭിക്കുന്നതുകൊണ്ടും ഏറ്റവും ലാഭകരമായ ഊർജമായി കണക്കാക്കുന്നു.

ഇന്ത്യയിലെ ജലവൈദ്യുത ഊർജത്തിന്റെ മൊത്തം ഉൽപ്പാദനക്ഷമത ഏതാണ്ട് 148,700 മെഗാവാട്ട് ആയി കണക്കാക്കിയിട്ടുണ്ടെങ്കിലും അതിൽ ഏതാണ്ട് 20% അഥവാ 30,164 മെഗാവാട്ട് മാത്രമേ ഇപ്പോൾ ഉല്പാദിപ്പിക്കുന്നുള്ളു. പുറമെ ഏകദേശം 13,616 മെഗാവാട്ട് (9.2 %) നിലവിൽ വികസിപ്പിച്ചുവരുന്നു.

ഇന്ത്യയിലെ പ്രധാന ജലവൈദ്യുത ഊർജ നിലയങ്ങളും അവയെ സംബന്ധിക്കുന്ന വിവരങ്ങളും താഴെ കൊടുക്കുന്നു.