free_shipping_English_728x90

ഛത്തിസ്ഗഢ് സംസ്ഥാന ഭൂപടം

Store-banner

ഛത്തിസ്ഗഢ് സംസ്ഥാന ഭൂപടം

ഛത്തിസ്ഗഢ് സംസ്ഥാന ഭൂപടം
* Chhattisgarh Map in Malayalam

ഛത്തീസ്ഗഢ് സംസ്ഥാന ഭൂപടം (Chhattisgarh Map in Malayalam)

ഇന്ത്യയുടെ 28-മത് സംസ്ഥാനമായി 2000 നവംബർ 1 ന് ഛത്തിസ്ഗഢ് സംസ്ഥാനം പിറവിയെടുത്തു. 135,191 ചതുരശ്ര കിലോമീറ്റര് വിസ്‌തീർണമുള്ള ഛത്തിസ്ഗഢ് മധ്യപ്രദേശ് സംസ്ഥാനത്തെ വിഭജിച്ചാണ് ഉണ്ടാക്കിയത്. മാതൃ സംസ്ഥാനത്തിന്റെ 30 ശതമാനം ഭൂപ്രദേശങ്ങളാണ് ഇതിനായി വേർതിരിച്ചത്.

ഛത്തിസ്ഗഢ് പ്രദേശം സാംസ്കാരികമായും ചരിത്രപരമായും മധ്യ പ്രാദേശിൽനിന്നു വ്യത്യസ്തമായ അസ്തിത്വമുള്ള പ്രദേശമാണ്. പ്രത്യേക സ്വയംഭരണ പ്രദേശത്തെ അനുകൂലിക്കുന്ന വാദങ്ങൾ 1924 മുതൽക്കുതന്നെ നിലനിൽക്കുന്നു.

90 അംഗങ്ങളുള്ള നിയമ നിർമാണ സഭയാണ് ഛത്തിസ്ഗടിന്റേത്‌. 11 ലോക് സഭാ നിയോജക മണ്ഡലങ്ങളും 5 രാജ്യസഭാ സീറ്റുകളും ഉണ്ട്. സംസ്ഥാനത്തിന്റെ തലസ്ഥാനം റായ്‌പൂരും ഹൈക്കോടതി ബിലാസ്പുരും ആണ്. ഛത്തിസ്ഗടിന് 27 ജില്ലകൾ ഉണ്ട്.

ഛത്തിസ്ഗഢ് സംസ്ഥാനത്തെ സംബന്ധിക്കുന്ന വിവരങ്ങൾ

 
തലസ്ഥാനം റായ്പ്പൂർ
സ്ഥാപിതമായ ദിവസം 2000 നവംബർ 1
ഗവർണ്ണർ ബൽറാം ദാസ് ഠണ്ഠൻ
മുഖ്യമന്ത്രി രമൺ സിങ്
ഭാഷകൾ ഹിന്ദി,മറാത്തി, ഒറിയ, ഗൊണ്ടി, കൊർക്കു
വിസ്തീർണം 135,191 ച.കി.മീ.
ജനസംഖ്യ 25,545,198 (2011 സെൻസസ്)
ടൂറിസ്റ്റ് ആകർഷണ സ്ഥലങ്ങൾ ബസ്റ്റർ, ചിത്രകൂട് ഫാൾസ്, കൈലാസ-കൊറ്റംസർ ഗുഹകൾ, മഹാമായ ക്ഷേത്രം
ആഘോഷങ്ങൾ പോളാ, നവഖായി, ദസറ, ദീപാവലി, ഹോളി, ഗോവർധൻ പൂജ
പ്രധാന നൃത്ത- സംഗീത രൂപങ്ങൾ പന്തി, റൗട് നാച്ച, സൂവാ നൃത്തം, സൊഹാർ, ബിഹാവ, പത്തോണി ഗാനങ്ങൾ
കലയും കരകൗശല വിദ്യകളും ഉരുക്കു ശില്പങ്ങൾ, ഗുഹാ ചിത്രങ്ങൾ
നദികൾ മഹാനദി, ഇന്ദ്രാവതി, സോൺ, പൈൻ, ഹസ്തോ, സബരി
വനങ്ങളും വന്യജീവി സങ്കേതങ്ങളും കണ്കെർഘട്ടി നാഷണൽ പാർക്ക്, ഇന്ദ്രാവതി നാഷണൽ പാർക്ക്, കാൻഗെർ വാലി ദേശീയോദ്യാനം
സംസ്ഥാന മൃഗം കാട്ടുപോത്ത്
സംസ്ഥാന പക്ഷി കാട്ടുമൈന
സംസ്ഥാന വൃക്ഷം സാൽ മരം
പ്രധാന വിളകൾ നെല്ല്, ഗോതമ്പ്, എണ്ണ കുരുക്കൾ
ജില്ലകൾ 27

സംസ്ഥാനത്തിന്റെ സാമ്പത്തിക ഘടനയെ സ്വാധീനിക്കുന്ന വ്യവസായങ്ങളാണ് ഭിലായ് സ്റ്റീൽ പ്ലാന്റ്, ബാൽകോ അലുമിനിയം ഫാക്ടറി, സൗത്ത് ഈസ്റ്റേൺ കോൾ ലിമിറ്റഡ്, എൻ ടി പി സി, ദക്ഷിണ മധ്യ റെയിൽവേ തുടങ്ങിയവ. കൂടാതെ ധാതു ഖനികളാൽ സമ്പന്നമാണ് ഛത്തിസ്ഗഢ്.

കൃഷിയാണ് ജനങ്ങളുടെ പ്രധാന വരുമാന മാർഗം. ഒരു പ്രധാന നെല്ലുല്പാദന സംസ്ഥാനമാണ് ഛത്തിസ്ഗഢ്. കൃഷി കഴിഞ്ഞാൽ ഖനി തൊഴിലുകൾ ആണ് സംസ്ഥാനത്തിന്റെ പ്രധാന വരുമാന സ്രോതസ്.

പ്രകൃതി ഭംഗിയും സുഖകരമായ കാലാവസ്ഥയും സംസ്ഥാനത്തെ ഭാവിയിൽ ഒരു ടൂറിസം സംസ്ഥാനമാക്കുവാനുള്ള സാധ്യതകൾ തുറന്നു നൽകുന്നു. നിബിഡ വനങ്ങൾ, പർവത നിരകൾ, ജലാശയങ്ങൾ, വെള്ളച്ചാട്ടങ്ങൾ, പ്രകൃതിദത്ത ഗുഹകൾ എന്നിവ ധാരാളമുള്ള സ്ഥലമാണ് ഛത്തിസ്ഗഢ്. രാജ്യത്തെ ഒരു പ്രധാന നടിയായ മഹാനദി ചാറ്റിസ്ഗഡിൽ ഉത്ഭവിക്കുന്നു.