മധ്യപ്രദേശ് സംസ്ഥാന ഭൂപടം മലയാളത്തിൽ

മധ്യ പ്രദേശ് സംസ്ഥാന ഭൂപടം (Madhya Pradesh Map in Malayalam) 

മധ്യപ്രദേശ് സംസ്ഥാനം ഇന്ത്യയുടെ മധ്യഭാഗത്ത് സ്ഥിതിചെയ്യുന്നു. ഈ സംസ്ഥാനത്തിന്റെ വടക്കേ എലുകയിൽ ഉത്തർ പ്രദേശും തെക്ക് മഹാരാഷ്ട്രയും പടിഞ്ഞാറ് ഗുജറാത്തും രാജസ്ഥാനും കിഴക്ക് ച്ചത്തീസ്ഗഢ് സംസ്ഥാനവും സ്ഥിതിചെയ്യുന്നു.

മധ്യപ്രദേശ് ഇന്ത്യയുടെ ഹൃദയമായി അറിയപ്പെടുന്നു. ഭോപ്പാൽ തലസ്ഥാനവും ഏറ്റവും വലിയ നഗരവുമാണ്. 2011 ലെ സെൻസസ് പ്രകാരം 72,597,565 ജനങ്ങൾ വസിക്കുന്ന സംസ്ഥാനമായ മധ്യപ്രദേശ് ജനസംഖ്യയിൽ ഇന്ത്യയിൽ അഞ്ചാം സ്ഥാനത്താണ്. വലിപ്പത്തിൽ ഇന്ത്യയിൽ രണ്ടാം സ്ഥാനത്താണ് മധ്യപ്രദേശ്.

മധ്യപ്രദേശിന്റെ പൊതു ഭാഷ ഹിന്ദിയാണ്. എന്നാൽ പല പ്രദേശങ്ങളിലും ജനങ്ങൾ വ്യത്യസ്തമായ ഗ്രാമ്യ ഭാഷകൾ സംസാരിക്കുന്നുണ്ട്. മാൾവ പ്രദേശത്ത് മാൾവി, നിമാർ പ്രദേശത്തു നിമാടി, ബുന്ദേൽഖണ്ഡിൽ ബുൻദലി, ബാഗെൽഖണ്ഡ് പ്രദേശത്തു ബാഗേലി എന്നിവയാണ് പ്രധാന ഗ്രാമ്യ ഭാഷകൾ. മഹാരാഷ്ട്രയുമായി അതിർത്തി പങ്കിടുന്നതുകൊണ്ടും ഒരുകാലത്തു മറാത്താ ഭരണാധികാരികൾ ഭരിച്ചിരുന്നതുകൊണ്ടും മറാത്തി സംസാരിക്കുന്ന ഒരു വലിയ ജനവിഭാഗം മധ്യപ്രദേശിലുണ്ട് . ഗുജറാത്തുമായി അതിർത്തി ജില്ലകളിൽ ഗുജറാത്തി സംസാരിക്കുന്നവരുമുണ്ട്. മറ്റൊരു അന്യ സംസ്ഥാന ഭാഷയായ തെലുങ്കും സംസാരിക്കപ്പെടുന്നു. ഗോണ്ടി, ബിലോടി, കൊർക്കു, നിഹാലി, കൽതൊ തുടങ്ങിയ ഗോത്രവർഗ ഭാഷകളും മധ്യപ്രദേശിൽ വിവിധ ഗോത്ര വിഭാഗങ്ങൾ സംസാരിക്കുന്നു.

മധ്യപ്രദേശ് സംസ്ഥാനത്തിന് 51 ജില്ലകളുണ്ട്. 2013 ൽ അഗർ-മൾവാ രൂപീകരിച്ചെതോടെ അതി 51ആം ജില്ലയായി.