അരുണാചൽ പ്രദേശ് ഭൂപടം

അരുണാചൽ പ്രദേശ് ഭൂപടം (Arunachal Pradesh Map in Malayalam)

അരുണാചൽ പ്രദേശ് ഇന്ത്യയുടെ ഏഴു വടക്കുകിഴക്കൻ സംസ്ഥാനങ്ങളിൽ ഒന്നാണ്. 'ഏഴു സഹോദരിമാർ' എന്നറിയപ്പെടുന്ന സംസ്ഥാനങ്ങളിവച്ച് വിസ്തീർണത്തിൽ ഏറ്റവും വലുതുമാണ്. പടിഞ്ഞാറ് ഭൂട്ടാൻ, വടക്ക് ചൈന, കിഴക്ക് മ്യാന്മാർ എന്നിങ്ങനെ മൂന്ന് വിദേശ രാജ്യങ്ങളുമായി അതിർത്തി പങ്കിടുന്ന അരുണാചലിന്റെ തെക്ക് ആസ്സാമും നാഗാലാൻഡും സ്ഥിതിചെയ്യുന്നു.

അരുണാചൽ പ്രദേശിന്റെ തലസ്ഥാനം ഇറ്റാനഗർ ആണ്.

സംസ്ഥാനത്തിന്റെ മിക്കവാറും ഭാഗങ്ങൾ മുൻപ് നോർത്ത് ഈസ്റ്റ് ഫ്രോണ്ടിയർ ഏജൻസി യുടെ ഭാഗമായിരുന്നു. ഷിംല ഉടമ്പടിയുടെ ഫലമായി ടിബറ്റിൽനിന്നു ബ്രിട്ടീഷ് ഗവണ്മെന്റ് സ്വന്തമാക്കിയതാണ് ഈ പ്രദേശം. വംശീയമായി ഇവിടത്തെ പരമ്പരാഗത ജനവിഭാഗം ടിബെറ്റോ-ബർമീസ് വംശത്തിൽ പെട്ടവരാണ്. സമീപ ദശകങ്ങളിൽ ഇന്ത്യയുടെ മറ്റു ഭാഗങ്ങളിൽനിന്ന് ജനങ്ങൾ അവിടെ കുടിയേറി പാർക്കുകയും വിവിധ പ്രവർത്തനങ്ങളിൽ ഏർപ്പെടുകയും ചെയ്യുന്നു.