റാഞ്ചി ഭൂപടം

റാഞ്ചി ഭൂപടം

റാഞ്ചി ഭൂപടം
* Ranchi city map in Malayalam

ജാർഖണ്ഡ് തലസ്ഥാനമായ റാഞ്ചി ഇന്ത്യയിലെ ജനസാന്ദ്രത കൂടിയ നഗരങ്ങളിൽ ഒന്നാണ്. ഒറാവൻ ഗ്രാമത്തിന്റെ മുൻകാല പേരായ അർച്ചി (മുളം കൂട് എന്നർത്ഥം) എന്ന പേരിൽനിന്നാണ് റാഞ്ചി എന്ന നാമം സ്വീകരിച്ചത്.  പതിനെട്ടും പത്തൊമ്പതും നൂറ്റാണ്ടുകളിൽ മുണ്ട ഗോത്രവംശജരുടെ ഭരണത്തിലായിരുന്ന ജാർഖണ്ഡ് ഉൾപ്പെടുന്ന പ്രദേശം പുരാതന ഇന്ത്യയിൽ മഗധ സാമ്രാജ്യത്തിന്റെ ഭാഗമായിരുന്നു. ഭൂമിശാസ്ത്രപരമായി റാഞ്ചി അക്ഷാംശം വടക്ക് 23.35° ലും രേഖാംശം കിഴക്ക് 85.33° ലും സ്ഥിതി ചെയ്യുന്നു. ഈ നഗരം ചോട്ടാ നാഗ്പുർ പീഠഭൂമിയുടെ തെക്കുഭാഗത്തായും ഡെക്കാൻ പീഠഭൂമിയുടെ കിഴക്കേ ഭാഗത്തായും സ്ഥിതിചെയ്യുന്നു. റാഞ്ചി നഗരത്തെ വെള്ളച്ചാട്ടങ്ങളുടെ നഗരമെന്ന ആലങ്കാരികമായി വിശേഷിപ്പിക്കുന്നു.


കാണേണ്ട സ്ഥലങ്ങൾ

റാഞ്ചി നഗരത്തിൽ സന്ദർശനം ആവശ്യപ്പെടുന്ന നിരവധി സ്ഥലങ്ങളുണ്ട്. അതിവായാണ്:

ഗോണ്ട കുന്നുകളും റോക്ക് ഗാർഡനും.
കാൺകെ റോഡ് പ്രദേശത്ത് സ്ഥിതിചെയ്യുന്ന ഗാർഡൻ ഗോണ്ട ഇകുന്നുകളിലെ പാറക്കെട്ടുകളിൽ കോറിയെടുത്തിരിക്കുന്നു. ഒരു മനുഷ്യനിർമിത ശില്പ ഉദ്യാനമായ ഇവിടെ ശില്പങ്ങളും വെള്ളച്ചാട്ടങ്ങളും ടൂറിസ്റ്റുകൾ വളരെ ഇഷ്ടപ്പെടുന്നതാണ്. ജയ്‌പൂരിലെ റോക്ക് ഗാർഡനെ ഓർമിപ്പിക്കുന്ന ഈ പാർക്ക് പുരാതനവും ആധുനികവുമായ ശില്പവിദ്യകളെ സമന്വയിപ്പിക്കുന്നു.

ടാഗോർ ഹിൽ
മോർഹബാദി ഹിൽ എന്ന് അപരനാമമുള്ള ഈ സ്ഥലം ഇക്ക ചൗക്കിനടുത്താണ് സ്ഥിതി ചെയ്യുന്നത്. ടാഗോർ കുടുംബാംഗവും രബീന്ദ്ര നാഥ് ടാഗോറിന്റെ മൂത്ത സഹോദരനുമായ ജ്യോതിരിന്ദ്രനാഥ് ടാഗോർ ഈ കുന്നിനു മുകളിൽ ഒരു വീട് നിർമിക്കുകയുണ്ടായി.

ഹുന്ദ്രു  ഫാൾസ് & ജോൻഹ ഫാൾസ്
റാഞ്ചിയിൽനിന്ന് 45 കിലോമീറ്റർ ഉയരെയാണ് ഹുൻഡ്രു വെള്ളച്ചാട്ടം. 320 അടി ഉയരെനിന്നാണ് ജലം പതിക്കുന്നത്.ജോൻഹ വെള്ളച്ചാട്ടം നഗരത്തിൽനിന്ന് 40 കിലോമീറ്റർ  ദൂരെയാണ്. ഇതിനടുത്ത് ഒരു സത്രവും ബുദ്ധമത ക്ഷേത്രവുമുണ്ട്..

നക്ഷത്ര വനം
ജാർഖണ്ഡ് വനം വകുപ്പ് നിർമിച്ച നക്ഷത്രവനം നിരവധി സെക്ഷനുകളായി വിഭജിച്ചിരിക്കുന്നു. ചിൽഡ്രൻസ് പാർക്ക്, പൂന്തോട്ടം, കൃത്രിമ വെള്ളച്ചാട്ടം, ഔഷധ ചെടികളുടെ തോട്ടം, ലൈബ്രറി, ഇങ്ങനെ പലതും ഇവിടെയുണ്ട്.

ജഗന്നാഥ്‌പുർ ക്ഷേത്രം
ശില്പവിദ്യയിൽ പുരി ജഗന്നാഥ ക്ഷേത്രത്തെ അനുസ്മരിപ്പിക്കുന്നു എല്ലാ വർഷവും ഈ ക്ഷേത്രത്തിൽനിന്നും രഥയാത്രകൾ ആഘോഷിക്കപ്പെടുന്നു. 1691 ൽ നിർമിച്ച ഈ ക്ഷേത്രം നഗരത്തിൽനിന്ന് 10 കിലോമീറ്റര് അകലെയാണ് സ്ഥിതി ചെയ്യുന്നത്.

രക്തസാക്ഷി കുടീരം (വാർ സെമിത്തേരി)
റാഞ്ചി - ഹസാരിബാഗ് റോഡിൽ സ്ഥിചെയ്യുന്ന ചെറിയ ശവകുടീരമാണ് ഇത്. ഇന്ത്യൻ സൈനികരുൾപ്പടെ 708 പേരെ ഇവിടെ സംസ്കരിച്ചിരിക്കുന്നു.

മറ്റു സന്ദർശന പ്രാധാന്യമുള്ള സ്ഥലങ്ങൾ ഗേൽ ചർച്ച്, സൺ ടെംപ്ൾ, അംഗർബറി (അമരേശ്വർ ധാം), പഹാഡി മന്ദിർ, സീത ഫാൾസ് ഇവയാണ്.

റാഞ്ചിയിൽ എത്തുന്ന വിധം
പ്രധാന ഇന്ത്യൻ നഗരങ്ങളിൽനിന്ന് റാഞ്ചി ഐര്പോര്ട്ടിലേക്ക് വിമാന സര്വീസുകളുണ്ട്. റയിൽവഴിയായും ഇന്ത്യയിലെ പ്രധാന നഗരങ്ങളുമായി റാഞ്ചിയെ നേരിട്ട് ബന്ധിപ്പിക്കുന്നു. റാഞ്ചി ജങ്ഷൻ, റാഞ്ചി റോഡ്, ഹാത്തിയ, നാംകോൻ, റേ എന്നിവയാണ് പ്രധാന റെയിൽവേ സ്റ്റേഷനുകൾ. റാഞ്ചിയിൽനിന്നു ജാർഖണ്ഡിലെ മറ്റു നഗരങ്ങളിലേക്കും അന്യ സംസ്ഥാനങ്ങളിലേക്കും ബസ് സര്വീസുകളുണ്ട്.